هـلا بمبدعينا ان شاء الله تكونون بألف خير وعافيه .. هممم قلت بما اني ما حطيت رسمات من فتره
فقلت خل أنزل رسماتي الي ما عرضتها لكم من قبل
وطبعا من العنوان الرسمات كلهن من انمي العمالقة
.............................
قبل لا أبدأحبيت أعتذر منكم على الموضوع مب مرتب وااايد
المهم ما بطول عليكم وبأعرض لكم الرسمات
:الرسمه الاولى:
ليفاي هذي الرسمه حبيتها حسيت أني ضبطته فيها
:الرسمه الثانية:
هذي الرسمه يت في بالي بعد ما شفت الحلقة 15 يوم قالت بيترا ان ليفاي كان في الماضي مجرم وعلى طول رسمتها قبل لا انساها
:الرسمه الثالثة:
أو المعروف بشخصياتنا الخاصه OC هذي كانت تحدي بيني وبين خواتي نرسم ال في زي الجيش وهذي شخصيتي معروب باسم دومينيكو هنا شكله مب واضح بس بارسم له كم من رسمه وبنزلها لكم
.............................
اما هذي الرسمات كانت في اللابتوب الثاني فتعايزت أفتحه وقلت بطلعها من الانستقرام اسهل XP
:الاولى:
أول رسمه لإيرين من واايد مضبوط كنت ارسم واشوف الحلقة فالايباد << على كثر اللابتوبات الي عندها ما لقت تشوفها غير فالايباد XD
:الثانيه:
كنت أحاول ارسم إيرين يوم صغير XD
:الثالثة:
أجرب الرسم بالالوان طلعت هذي النتيجه
:الرابعه والأخيره:
رسمت ميكاسا على برنامج الساي وهذي النتيجه XP
هنا بعد ما خلصت تلوين البشره ورحت على الشعر
وهذي النتيجه النهائية
.................................
هذا كل الي عندي اليوم في رسمات واااايد بس ان شاء الله اشوف تفاعل يشجع عشان أقدر انزل باقي الرسمات
لووول نفس شعوري أول ما عرفت منتدانا القديم ما كنت مصدرقه وعادي في اليوم الواحد أفتحه 10 مرات XD
هههههه كل شخص يحب الياوي أو الشونين أي تكون بدايته مع هالانمي صدق من أحلى أنميات الشونين اي ولا تنسين بعد جونجو رومانتيكا .. عادي عادي كنا ما تعرف وااايد في الترجمه ومشاركاتنا في أقسام ثانيه بس مع مرور الوقت بنتعلم وبننتج
وأحنا بعد حبيناج الغاليه وحياج بييننا .. هههههههههه
وأنا أحاوط في النت يت في بالي فكرة البنرات الاعلانيه حسيت بتكون فكره حلووه لو صارت في مسابقه او احد نزل موضوع مهم أو نزل تشابتر يديد او حلقه مترجمه يديده الكل بيكون عنده علم عن هالاشياء من خلال البنرات ... الي بتكون في بدايت الموقع
وإذا صار وحبيتوا هالفكره
قلت لو نوزع البنرات مثلا البنرات الي تعلن عن جديد اعمال فريق الترجمه تكون صغيره وفوق اما البنرات الي تتكلم عن المواضيع المميزه والمسابقات تكون بشكل ثاني تنعرض تحت بنرات الفريق
مرحبا الساع بكل من نور هالقسم عامه وهالموضوع خاصه قبل لا أبدا بالموضوع حبيت اشكر مديرتنا سين على إفتتاحها لهذا القسم وان شاء الله من ناحيتي بحاول أني ما أقصر فيه..
ننتقل الموضوع طبعا من عنواها بيكون الموضوع عن تلبيت الطلبات الي وده يرتب موضوعه أو يجدد توقيعه ورمزيته حياه في هالموضوع وان شاء الله ما بقصر في تلبيت طلباتكم ..
الي وده يساعده في التصميم وتلبيت الطلبات حياه الله بيقدم لي خدمه كبيره
وطبعا لكل شيء له قوانين وموضوعنا له قوانين بس ان شاء الله ما بتكون صعبه عليكم
نبدأ ...
القوانين
1- الشخص له طلب واحد في الاسبوع توقيع + رمزيه + فواصل + بوستر + بنر ..إلخ ( يعني مسوح لك تطلب كل هذي الاشياء بس بعد ما تستلمها تنتظر للاسبوع الياي )
2- عدم الضغط واللح على المصمم بالاسراع في تلبيت الطلب إلا إذا مرت ثلاث ايام من طلب ولم ينفذ
3- إرفاق صوره او ذكر اسم الانمي او الشخصيه المراد التصميم عليها
4- عدم فتح دردشه في الموضوع لانه فقط مخصص لطلبات
5- لا يهم عدد المشاركات حياكم كلكم
شيء ثاني الي حاب يشارك في تلبيت الطلبات.. يكتب ان وده يشارك عشان انزل اسمه في الموضوع
هذا الموضوع اساسا لتلبيت طلبات التواقيع والرمزيات بس بلبي فيه اي طلبات لين أشوف ان فيه تفاعل ساعتها بأفتح موضوع ثاني لتلبيت طلبات ثانيه مثل تصاميم لتزين مواضيعكم
.....................
هذا كل الي عندي حياااكم واتمنى اني اشوف تفاعل من الكل
شحالكم يا حلوين ومبدعيين ... وااااه من زمان كان خاطري احط رسومات في المنتدى القديم بس اليوم من دخلت هالمنتدى وشفت رسوماتكم الحلووه حمستني ارسم عالسريع كابل يديد ألفته بس ما اندل اسمائهم << هذي مشكلتها مع الاسماء
إلا هي رسمه سريعه وما احس انها حلوووه فأكيييد فيها أخطااء وااايد
المهم ما بطول عليكم
وقبل لا إبدا إذا حبيتوا هالكابل اقترحوا لهم اسماء واذا حبيتها بثبتها عليهم وبارسمهم أكثر من مره XP